A Segunda Guerra Mundial: Fases e Conflitos

Orixe e Escenarios da Segunda Guerra Mundial

O conflito bélico iníciase o 1 de setembro de 1939 coa invasión alemá de Polonia, pero ao contrario da 1ª guerra, os enfrontamentos son a escala mundial, con tres grandes escenarios: Europa, o norte de África e Asia. Considérase que os países que provocan a guerra son os estados fascistas, sobre todo a Alemaña nazi.

As Fases da Guerra

A 2ª Guerra Mundial divídese en dúas grandes etapas:

• 1ª etapa (1939-1942): Marcada polo dominio das potencias do Eixe.
• 2ª etapa (1943-1945): Marcada polo declive das potencias do Eixe e a vitoria definitiva dos aliados.

Os Triunfos do Eixe (1939-1942)

A etapa inicial da guerra caracterízase pola ocupación de novos territorios polas potencias do Eixe (Alemaña, Italia, Xapón), xunto á firma do tratado de paz entre Alemaña e a URSS, roto en xuño de 1941.

A Invasión de Polonia e Finlandia

Na fronte occidental, os alemáns en abril de 1940 conquistan Dinamarca e Noruega, e en maio inician a guerra contra Bélxica e Francia. Os franceses organizan unha fortificación na fronteira franco-alemana, a “Liña Maginot”, pero os alemáns utilizan tácticas de guerra moderna.

A Batalla de Inglaterra

Prodúcese tras a caída de Francia, na que Hitler decide conquistar as illas británicas, atopándose coa oposición do primeiro ministro británico Winston Churchill, que pide axuda aos EEUU e pide aos cidadáns nun discurso “sangue, suor e lágrimas” para salvar ao país da invasión nazi.

A Invasión da Europa Oriental e dos Balcáns

Resultado do pacto entre Alemaña e a URSS, que permitiu a reordenación de países como Romanía, Bulgaria, Estonia, Letonia e Lituania.

A Invasión da URSS (Operación Barbavermella)

En xuño de 1941, supón a ruptura do pacto de neutralidade entre Hitler e Stalin, causada polo intento nazi de quedarse cos recursos naturais (agrícolas, petróleo e gas) da URSS. A rápida entrada dos tanques alemáns nas chairas rusas foi freada pola enorme resistencia dos soviéticos, o frío clima (“xeneral inverno”), a táctica soviética de “terra queimada” e as dificultades de abastecemento nun territorio tan grande.

A Vitoria Aliada (1943-1945)

O ataque alemán á URSS favoreceu o achegamento entre soviéticos e británicos, o que, unido á entrada de EEUU na guerra con todo o seu poderío industrial e militar, supuxo un punto de inflexión na evolución e o desenlace da guerra.

O Desembarco de Normandía

Iníciase o 6 de xuño de 1944 (Día D), dentro da chamada Operación Overlord, dirixida por Eisenhower, na que tropas anglonorteamericanas desembarcan na costa norte de Francia, levando a cabo a operación militar máis importante da historia, que permitiu aos aliados chegar a París en menos de tres meses, expulsando aos alemáns de Francia e Bélxica.